أم الحسن تشكيله لمهدي هاي ألليله
من الباب ضلعي أنصاب
.................................................
تشكيلك أيام المحن وظيم إلي سادي عليه
بس غمضت عين الابو خلفوا وصيته البيه
ونگلبت أحقاد وشرك ضد فاطمة وحاميـــه
تنعه وتون مهظومه *** ومن يا وضع مالومه
دم سچاب ضلعي أنصاب
.................................................. .....
وترادفت يبنـي علـــي كل المصايب يبنـي
تعبني دهري من الزغر ومن الزغر شيبني
وبس غاب جدك يل أمل دهري بدء يعذبنـي
وخلافه ما رحمونه *** أه يــبني ونكرونــه
بحقد أجناب ضلعي أنصاب
.................................................. ......
ونجمعت ارجاس الكفر أه يبني وتناديلـــــه
نصبوا سقيفة بكل حقد وقرروا حيدر شيلــه
ومن عدهم أتنصب ولي يخدم شرعهم سيله
منه المصايب تبدي *** أه يبني كل اليسدي
والمحراب ضلعي أنصاب
.................................................. .....
هجموا على دار النبي وما رعوا حرمه ليه
ضربوني يبني بلا سبب وشتموا علي واليه
والنار بالباب أضرمــوا وچتفوا علي تاليــــه
اخذوا غصب للبيعة *** وهل أمر كون أيطيعة
بهل أسباب ضلعي أنصاب
.................................................. ............
من هل مصايب شاهدت لمــن اجلــه أتعنــــه
ودعت هل دنيه بحزن ولوعه ومصاب ونـــه
والكسر لسه بهل ضلع ومحسن سكط بس منه
بنوح ونحيب ألليله *** تتوادع ويل العيله
والأحباب ضلعي أنصاب
.................................................. .........
وشيعة علي هذا المسه تشكيلك يا مهديــــه
نفس السقيفة بهل الزمن نصبوا يمهدي أعليه
يا يوم تظهر يا وگــــت وگبـــر أمك أتدليــــه
وراية نصر تنشرهه ** *يالمهدي وانته اتسرهه
من لغياب ضلعي أنصاب
.................................................. ..............
خادمكم
مرتضى الشيخ راضي الدراجي
